Por segunda ocasión este verán, os comercios de Monforte vestirán as súas mellores galas para acoller aos numerosos turistas e veciños que, aproveitando as fermosas noites de verán da capital da Ribeira Sacra, sairán ás rúas de Monforte para gozar dunha noite moi especial.

A Noite Branca é unha festa do comercio eminentemente nocturna na que as tendas asociadas abren en horario especial entre as 20.30h e a 01.30h da madrugada engalanándose e decorando os escaparates segundo a temática desta noite e aproveitando a ocasión para ofrecer aos seus clientes grandes descontos nos seus produtos e servizos.

Ademais, algúns establecementos obsequiarán aos seus clientes e amigos con mesas doces, aperitivos e bebidas para incentivar e contribuír o ambiente festivo.

Nesta ocasión as principais rúas comerciais de Monforte estarán animadas pola empresa Troula Animación e o seu gran pasarrúas "Moulin Rouge"