O venres 26 de xuño, Monforte sae de compras ata medianoite

O CCU recupera as noites temáticas de verán co "Mundial de Compras": rebaixas, música, obradoiros, comida e unha choiva de 1.500 globos con 1.000 € en premios

O venres 26 de xuño, Monforte ten unha desas citas que se viven na rúa. O comercio local abrirá ata medianoite para celebrar o inicio das rebaixas de verán cunha noite temática inspirada no Mundial de Fútbol, pensada para mercar, pasear, gozar en familia ou con amigos e encher de ambiente o centro da cidade.

Haberá tendas abertas de 20:00 a 00:00 horas, DJ, batucada, obradoiros infantís, flocos de millo, hot dogs, propostas especiais nos comercios participantes e unha gran choiva de 1.500 globos con 1.000 € en premios e máis sorpresas!

O Mundial de Compras será a volta das noites temáticas de verán do CCU, unha fórmula pensada para que Monforte saia á rúa e converta unha noite de compras nunha cita festiva para toda a cidade.

Unha noite para arrancar as rebaixas de verán

O venres 26 será unha oportunidade perfecta para facer as primeiras compras das rebaixas, descubrir promocións especiais e vivir o comercio local nun horario diferente.

Os establecementos participantes abrirán ata as 00:00 horas e algúns deles poderán complementar a campaña con descontos, obsequios, mesas doces, detalles para a clientela, decoración temática ou outras propostas preparadas para a ocasión.

A idea é sinxela: saír, mercar, pasear e aproveitar unha noite pensada para que Monforte teña máis vida nas súas rúas comerciais.

A gran xogada da noite: 1.500 globos, 1.000 € e 11 premios

O momento máis esperado chegará ás 21:30 horas na Praza de España coa celebración dunha espectacular choiva de 1.500 globos con premios.

Entre todas as persoas que se animen a achegarse á praza para vivir este momento e probar sorte, “choverán” 1.000 € en premios, repartidos en 11 premios agochados entre os 1.500 globos.

As persoas que teñan sorte durante a choiva, terán ata a medianoite para gastar o seu premio nos comercios participantes.

Os premios serán:

1 premio de 250 € (5 vales de 50€)
1 premio de 150 € (3 vales de 50€)
3 premios de 100 € (2 vales de 50€)
6 premios de 50 € (1 vale de 50€)

1.000 € en premios para marcar o teu golazo nas rebaixas de verán!

E ademais, a noite poderá traer máis sorpresas....

Tickets para obradoiros, flocos de millo e hot dogs

Durante a noite haberá tamén obradoiros infantís, pensados para que os máis pequenos poidan formar parte da festa.

Ademais, instalaranse carriños de flocos de millo e hot dogs, ata fin de existencias.

Para participar nos obradoiros infantís e acceder aos flocos de millo e hot dogs, será necesario presentar tickets de compra de establecementos asociados ao CCU válidos desde o 1 de xuño de 2026.

Garda os teus tickets do comercio asociado e tráeos o venres 26 de xuño.

Ambiente futbolero en pleno Mundial

A campaña terá unha ambientación futbolera porque nesas datas estaremos inmersos no ambiente do Mundial de Fútbol.

Quen queira poderá sumarse á festa acudindo cunha camiseta, unha bufanda, unha bandeira, as cores da súa selección favorita ou calquera detalle relacionado co fútbol.

Non é obrigatorio para participar, pero si unha forma divertida de contribuír ao ambiente e facer que Monforte viva a súa propia noite mundialista arredor do comercio local.

Información práctica

Data: venres 26 de xuño
Horario: de 20:00 a 00:00 horas
Lugar: Praza de España e rúas comerciais de Monforte
Choiva de globos: 21:30 horas na Praza de España
Premios: 1.000 € repartidos en 11 premios para gastar esa mesma noite nos comercios participantes
Obradoiros infantís, flocos de millo e hot dogs: con tickets de compra de establecementos asociados ao CCU válidos desde o 1 de xuño de 2026
Organiza: CCU de Monforte
Cofinancia: Xunta de Galicia e Comercio Galego
Colabora: Concello de Monforte de Lemos

Este Mundial tamén se xoga en Monforte. E os golazos márcanse no comercio local!

AS EMOCIÓNS MOVEN O MUNDO…

…e soamente determinados lugares provocan algunhas delas.

Merca en Monforte, e... sinte #lemosía!